​                  ጤና

​

በማኅበረሰባችን ውስጥ የጤናማ አኗኗርና የምግብ አበላል ባህልን ማሳደግ

​

                       የተወደዳችሁ የማኅበረሰባችን አባላት፣

ጤና የህይወታችን መሠረትና ለቤተሰቦቻችን መስጠት የምንችለው ትልቁ ሀብት ነው። ልጆቻችን እኛ የምናደርገውን እያዩና እየተከተሉ ስለሚያድጉ፣ ዛሬ በቤታችን የምንተክለው የጤና አኗኗር ነገ የልጆቻችንን ብሩህ ተስፋ ይወስነዋል። እንደ ኢትዮጵያውያንና ኤርትራውያን ባህላችንን እና የምግብ አሰራራችንን ጠብቀን በመኖር ሂደት ውስጥ፣ ጥቂት ቀላል ማስተካከያዎችን በማድረግ የቤተሰቦቻችንን ጤና በከፍተኛ ደረጃ መጠበቅ እንችላለን።

1. ከልክ ያለፈ ዘይትና ስብን መቀነስ

ባህላዊ ምግቦቻችን (እንደ ወጥና ጥብስ ያሉ) እጅግ ጣፋጭ ቢሆኑም፣ በምግብ አሰራር ወቅት የምንጠቀመው ዘይት ወይም ቅቤ ከልክ በላይ ሲሆን ለደም ግፊት፣ ለልብ ህመም እና ለስኳር በሽታ አጋላጭ ይሆናል።

 መፍትሔ፡ ወጥ ሲሰራ ዘይት በጭልፋ ከመድፋት ይልቅ በስpoon በመለካት መቀነስ።

 ጥብስና አልጫ ምግቦችን በትንሽ ዘይት በመስራት የእውነተኛውን ምግብ ጣዕም መለማመድ።

2. ከልክ በላይ አብስሎ ማውጣት    (Overcooking)

ምግቦችን (በተለይም አትክልቶችን) ከልክ በላይ አብስሎ ማውጣት በውስጣቸው የሚገኙትን ዋና ዋና ቪታሚኖችና ማዕድናት ያጠፋቸዋል።

 መፍትሔ፡ አትክልቶች (እንደ ጐመን፣ ካሮት፣ ጥቀስ ጐመን) ሙሉ በሙሉ አልቀው ሳይጠፉና ለስልሰው ሳይበላሹ በከፊል አብስሎ መመገብ።

3. አትክልትና ፍራፍሬን የዘወትር ምግብ ማድረግ

ከእንጀራና በሬ/በግ ስጋ በተጨማሪ በየቀኑ ሳህናችን ላይ ሰላጣ፣ ካሮት፣ ብሮኮሊ እና ትኩስ ፍራፍሬዎች መኖር አለባቸው።

 መፍትሔ፡ ከምግብ በፊት ወይም ከምግብ ጋር አብሮ ትኩስ ሰላጣ የመመገብ ልምድ ማዳበር።

4. የሰውነት እንቅስቃሴ ማድረግ (ከቤተሰብ ጋር)

ጤናማ ምግብ ብቻውን ሙሉ አይሆንም፤ ሰውነታችን መላወስ አለበት።

 መፍትሔ፡ ምሽት ላይ ከቤተሰብ ጋር በእግር መጓዝ፣ ከልጆች ጋር በፓርክ መጫወት ወይም ቅዳሜና እሁድ የጋራ እንቅስቃሴ ማድረግ።

 ልጆቻችን ስክሪን (ቲቪ/ስልክ) ላይ ከሚያጠፉት ጊዜ ይልቅ ከእኛ ጋር የሚንቀሳቀሱበትን መንገድ ማመቻቸት።

ልጆቻችን የእኛ መስታወት ናቸው!

ልጆቻችን እኛ የምንበላውን ይበላሉ፣ የምናደርገውን ያደርጋሉ። እኛ ዛሬ አትክልት ስንመገብ፣ ዘይት ስንቀንስ እና ስንቀሳቀስ ሲያዩ፣ እነሱም ያንን የጤናማ ህይወት መንገድ ይከተላሉ።

ዛሬ በቤታችን ከምናዘጋጀው ምግብ ጀምረን ትናንሽ ለውጦችን በማድረግ ለቤተሰባችንና ለወደፊቱ ትውልዳችን ጤናማ መንገድ እንክፈት!